عادات اهل مكة في يوم الساابع للمولود ..

[toty_noty]

موضوووعي هو عن عاداااااات اهل مكة وجــدة ويمكن المدينــــة كمان في السواااابع .. بصرااااحـــة مرررة تجننن ونفسي احضر ساااابع ..

طبعا عاداتنـــا احنا مختلفــــة تماما عن جميع مناطق المملكــــة .. هو كل مدينــة ولها عاداااتها واتمنى تفيدونــا عشان نعرف عااداات بعض ..


http://forum.makkawi.com/imgcache/77557.imgcache.gif

الموووهــــم ندخل في الموضوووع .. احنــــا لمن يجي النونو ووتجي الحرمـــة بيت امها عشان مدة النفاااس .. تقضيها عند اهلهــا .. وزيااارات الناااس وكدة الين يوم السابع اللي هو يوم 7 للمولود يسموا يوم التسمية كمان لانه فيه نسمي النونو ويثبت الاسم عليه ..

اول شي يأذنــــــوا في اذنه وبعدها يقولوا سماكـــ الله ( فلاان )) ويبدأوا يدقوا يالهونـــــد( الهاون ) .. وبعدهــا يلبسوا النونو لبس خاااص بدا اليووم اللبس عبااارة عن لحاااف ابيض ملبس بالساااتان ومشتغل .. والام تلبس جلابية سكري زي النونو ..

وبعدين تشيله ويبدأ السااابع .. يعطوا الاطفـــاااال شموووووع ويولعوها وبعدين يمشوا ورى الام والنونو ويقولوا ..
يارب يارحمانــــي .. باااركـــ لنا في الغلام ..
يارب البريــــة .. باااركــــ لنا في البنيـــــة ..
مولى وسعدنا وهنانا .. واعطانـــا مولود جديد ..
من فرح قلوبنا غنينا .. مبرووكــ سااابع سعيد ..


الين توصل عند المعااازيـــم .. وبعدهـــا يغنوالوا ..


يادايــة يادايـــة .. هري هري ..
يادايـــة يادايــــة .. بيت العري ..
يادايــــة محلى مشيتكـــ ..
يادايـــــة انتي وبزرتكـــ ..
يادايـــــة اطلعي الروشــان ..
يادايـــة حبي الجيرااان ..
يادايـــة اطلعي البابور ..
يادايــــة امسكــــي النااااضور ..
يادايـــة ياست الكـــــل ..
يادايـــــة منديلكـــــ فــل ..
يادايـــة ياست الناااس ..
يادايـــــة منديلكــــ لااس ..
يادايــــة ملي الشربـــة ..
يادايــــة عساكــ الضربة ..
يادايـــة ملي الابريق ..
يادايــــــة جاكـــ العفريت ..
يادايــــة افتحي الشمســـية ..
يادايــــــة شمس الظهـــرية ..
يادايــــة ياأم الصبيان ..


غربلوا ياغربلوا .. خلي الصااايغ يعملوا ..
يعملوا خلخال ذهـــب .. والباقي خاااتم لامه ..

وبعدهــــا يقولوا ..

العلية العليــــة .. والقبة الخضراء المجلية ..
سيدنــا محمد رسول الله بيض الله وجهه ..
ويذكروا اسماء العيلة كلها ويقولوا مثلا ليلى بيض الله وجهها .. وزي كـــدة ..

وبعدين يقولوا كماااان ..

صفق صفق يامرجـــــان .. ستي خديجـــة في الروشـــان .. ( ستي يعني ام الام ) ..
صفق صفق يامرجـــان .. ستي زكيـــة في الدرجـــان ..
واللي يصفق ابوه يعطيــــه .. ثوب حرير يتدلــــع فيه ..
قد كدة قد الرمــــانة .. قد كدة حلوة ورويـــااانة ..
قد كدة ترقص وتغني .. قد كدة تلعب وتحنـــي ..
صفق لبابا وخلي يجي .. يملا عبيبه من كل اشي ..

وي وي ياام عميرة .. وي وي ضرب الزميرة ..
وي وي زميرة حربي .. وي وي سكنت بقلبي ..

دقوا القرنفل دقوا الهيل .. جات العروسة في نص الليل ..

جوا بنات الوادي .. نحمـــي من زبااادي ..
وي وي يـــام عميرة وي وي ضرب الزميرة ..

وبعدهـــا يوزعوا العــــاب للاطفــــاااال .. وحلوياااات ..


ويوزعـــوا على الكباار توزيعاااات حق المولود ..

http://www.shamsqatar.com/up/File/1158040131.jpg



http://forum.hawahome.com/nupload/83198_1240996669.jpg



ومن الأهازيج اللتي يغنوها لأطفالهم




بنتي حبيبتي ياست الكل




انت الوردة وانا الفل




يا ستي يا ست ابوكي والعرب جو يخطبوكي ..




الفين يعدو المهر وعشرين الف يراضو ابوكي ..




يا حبيبة وانا احبك واحب الى يحبك ..




واحب الورد الاحمر الى بلون خدك

وبـــــــــــــــــــث ..
وصدق اللي قاال ..



فينك يا أيــــام زمان ليه رحتـــي وسبــتينا !!




ليت اللي جرى ماكان ليت حلاوتك تعود لينا !!



وفينك يا أيام زمان ..!