الباتشة

السلام عليكم

اليوم جبت لكم اكلة من اكلات عيد الاضحى
الاكلة هذي هي الي يسموها

الباتشة

وهي راهي براس الخروف
بعد ما تشوطوا الراس
حطوه في قدر مع 3 فصوص ثوم
وفلل اسود وقليل من الملح
حتى يكون تقريبا قد طهي
-من بعد تكونوا نحتوه من العظم
وقطعوه الى قطع صغيرة
وحطوه في قدر اخر
وين تحكوا اعليه راس تاع بصلة +2 سنينات ثوم
+2 حبات تاع طماطم + قليل جدا من الملح يعني بين الاصابع
فقط + ثوم + قليل من السمن + قليل من جوزة الطيب
- ثم تقليوا الكل اعلى نار هادئة
حتى ينشف نوعا ما الماء تاع البصل والطماطم
-ثم ضيفوا كوب من المرق الي طاب فيه الراس
وكوب من الماء العادي
- عند الغليان ضيفوا الزيتون مقطع الى حلقات
والجزر المسلوق
والفطر
واتركوا الكل يطيب مع بعضو
حتى تصبح المرقة عاقدة شوية وقليلة
ثم عند التقديم
اعصروا عليه الليمون وحطوا اعليه
قليل من المعدنوس المقطع

وشهية طيبة


اتمنى ان تنال اعجابكم