قصيده قيلت في شاعر المليون

هذه القصيده قيلت في برنامج شاعر المليون للشاعر المبدع :
عبدالرحمن عادل الاسلمي

مابين اطيع وبين اخشم وماطيـع
=شمسي بدت باول نهـاره تليّـل

غريب فكر وخفت من ربعي اضيع
=احط عن ظهر المطيـه واشيّـل

ماقول ذقت من المرار القراطيـع
=واقول لا خيل بي الشعـر خيّـل

مايتعبنـي عاتيـات الزعـازيـع
=لو كان يتعبني هبـوب الشميّـل

يسمح لي الغر الضحوك المريبيع
=والشمري راعي العقـال الميّـل

لاقلت لي بالطراف الاقصى مفاريع
=عـورات وامّ بالعـراق اتـويّـل

سبوا نبيي وسممولـي مراضيـع
=واللي حصل من ربعنا مو قليّـل

شر الموايد يوم قمنـا مشابيـع
=على شرف دمعة عجـوز وعيّـل

حتـام ياربـاه وعقولنـا جيـع
=وبطونا منهـا المخالـي تكيّـل

نام الضمير وقالي يحـرم البيـع
=قبل الندى وعقب الندى رد قيّـل

ضحية الوضع الردي بي مواضيع
=خلتني انحـل فلسفـة والتخيّـل

شفت بعتيق البـاب ليّـا فقاقيـع
=وانا بعرقوبـه كسـرت المهيّـل

ياهم قلبـي والعيـون المداميـع
=من وين ماحايلتهـا مـا تحيّـل

علقت شعري في صدور المداريع
=واللي زعل راعي الوشاح المذيّل

وده اقول ان مرني لعتنـي ليـع
=لبـى عيونـك ياعيـون الغزيّـل

وانا على كرهي لانـا ودي اذيـع
=احلـى تحيـة للاميـن الجميّـل

شوباش ياوجه الورق والتواقيـع
=رقيب ذاتي طايحـن بـي تغيّـل

هبت السلام لحسبتـي للمواديـع
=ياليلـةِ سـودا وحـظِ منـيّـل..









تحيــــــــــاتــــــي للجميـــــــــــع
اخوكم المرياتشي..